У суботу 25 студзеня педагог-псіхолаг запрасіў жадаючых вучняў на практыкум “Як быць сабой і жыць у згодзе з другімі”. Пачалося мерапрыемства з вясёлкі настрою, калі хлопчыкі і дзяўчынкі выбіралі каляровыя зоркі. Ілья Ігаравіч тлумачыў значэнні розных колераў. Вучні выконвалі праектныя практыкаванні “Калі б я…”, падчас якіх даведваліся пра асабістыя рысы характару. Займальным для дзяцей было заданне, калі яны падбіралі блізкія для сябе асацыятыўныя рады жывёл і пабудоў.