29 лютага школа сумесна з Карчоўскім Домам культуры і Аўтаклубам праводзілі свята Масленіцы.

У суботу ўсе школьнікі накіраваліся са школы па цэнтральнай вуліцы вёскі на святочную праграму да Дома культуры. Кожны клас накрываў стол з бліннымі пачастункамі, рабіў пудзіла зімы. У ходзе праграмы вучні і дарослыя частаваліся блінцамі, гулялі ў разнастайныя гульні, спявалі і танцавалі. Заканчвалася свята спальваннем пудзіла на вялікім вогнішчы. Спальванне суправаджалася танцамі і карагодам.