Традыцыйна да свята настаўніка быў арганізаваны дзень самакіравання, да якога “выбраныя вучні-настаўнікі” падрыхтаваліся адказна.

Кожны клас далучыўся да віншавальнай паграмы, падрыхтаваўшы нумар мастацкай самадзейнасці. У гонар педагогаў гучалі прыемныя словы, падзякі-віншаванні, песні, мультымедыйныя прэзентацыі. Вучні 5 і 9 класаў падарылі танцавальныя рытмы.

Сапраўдным сюрпрызам для настаўнікаў школы стала віншаванне ад імя творчага аб’яднання “Аўтаклуб”.

Адміністрацыя школы на святочнай лінейцы расказала пра Дыплом - 2 месца сярод вучэбна-педагагічных комплексаў у раённым конкурсе на лепшую ўстанову адукацыі, якім узнагароджана Карчоўская школа.