З 15 па 20 красавіка ў школе быў арганізаваны Тыдзень біялогіі, геаграфіі, хіміі і працоўнага навучання. Цікавым і займальным мерапрыемствам стаў відэаэкскурс “Палітычная карта і насельніцтва Паўднёвай Амерыкі”. Падчас практычнай работы “Дамашнія жывёлы і догляд за імі” вучні дзяліліся сваімі навыкамі. Шмат пазнавальнай інфармацыі атрымалі вучні 5-7 класаў, удзельнічаючы ў інтэлектуальнай гульні “Я ведаю”. Конкурс “Сударушка” праводзіўся паміж камандамі, якім неабходна было прышыць гузік, перабраць крупы і вызначыць сімвалы па догляду за адзеннем.